Recuperando a Memoria

Temos a nosa disposición na Biblioteca durante todo o mes de Outubro a campaña de animación á lectura para os máis pequenos RECUPERANDO A MEMORIA.Partindo dunha colección de libros editados pola Fundación “La Caixa” pretende tratar de sensibilizar ás novas xeracións sobre a importancia das relacións interxeracionais.A campaña pretende ademais informar sobre a doenza do Alzheimer, tema principal dos cinco libros que forman a devandita campaña.Os libros contan cunhas actividades adaptadas ao nivel educativo que se considera axeitado e que vai dende Infantil ata 6º de Primaria/1º de ESO.Todo elo ven dentro dun fabuloso baúl pirata que teremos con nós na Biblioteca.

Ola Biblioteca!

Comezadas xa as clases dedicamos a segunda quincena de Setembro ás operacións de mantemento do programa MEIGA: altas, baixas, promocións de curso,carnés de lector do alumnado de Primaria...Xa o curso pasado no terceiro trimestre anticipamos o préstamo de libros en Secundaria a través do carné de lector.Este ano comezaremos tamén o préstamo informatizado en Primaria a través do carné.

O día 1 de Outubro abrimos a Biblioteca con todos os servicios: lectura e consulta, préstamo,animación,lugar de encontro,de exposición de novidades,ler revistas ou facer consultas en Internet.Dende o noso blogue seguiremos a presentar novidades e outras novas da nosa biblioteca.

Ola a todos e benvidos!
Nesta páxina atoparedes as últimas novas novas, boletíns, actividades,recomendacións de lecturas, comentarios e moitas cousas máis da nosa Biblioteca Castelao do C.P.I. Virxe da Cela.

Anímate e participa!!