18/03/24
SCHOOL TO SCHOOL: INTERCAMBIO EPISTOLAR CUNHA ESCOLA DA INDIA COA FUNDACIÓN VICENTE FERRER
11/03/24
RADIO NA BIBLIO: OBRADOIRO DE NARRACIÓN ORAL
O martes 12 de marzo 2024 contamos na Biblioteca Castelao coa visita de Charo Pita, que impartiu en tres quendas unha formación sobre técnicas de narración oral. (5º EP de 10:30 a 11:30 3º EP de 12:00 a 13:00; 4º EP: de 13:00 a 14:00). Os rapaces e rapazas estiveron atentos e participativos, aprendendo trucos e claves para sacarlle o mellor partido á nosa voz e potenciar a nosa oralidade, algo clave á hora de traballar no medio radiofónico. Precisamente dentro do programa Radio na Biblio os máis pequenos/as están a aprender como transformar un relato escrito nunha historia para ser narrada. Encantounos ter a oportunidade de coñecer a Charo Pita nesta súa vertente pedagóxica, ogallá non tardemos moito en descubrila como escritora, actriz e contacontos!!
09/03/24
APADRIÑAMENTOS LECTORES
06/03/24
CONTACONTOS INTERXERACIONAIS
Dentro as actividades enmarcadas dentro do programa Voluntariado na Biblioteca Escolar, iniciamos o pasado mércores 6 de marzo de 2024 un ciclo de lecturas interxeneracionais. Bruna aprende a dejarse ayudar da colección Naturaleza y Emociones (Ana Ferrer y Bárbara Sansó), foi a o libro elixido, unha fermosa historia que axudou aos nenos e nenas de 2º EP a reflexionar sobre o concepto de empatía. Iván Bermúdez Gabarri, alumno de 4º ESO e membro integrante do Club de Lectura Larpacontos exerceu como un contacontos profesional, narrando a historia e captando a atención dos máis pequenos/as. Agradecemos o apoio e participación dos integrantes do Club de Lectura Larpacontos para poder levar a cabo esta actividade, que terá continuidade nas vindeiras semana.
04/03/24
Formación do profesorado: Técnicas para mellorar a comprensión no noso alumnado
A tarde de hoxe, o equipo docente de linguas do noso centro estivo na biblioteca aprendendo da man de Sabela Gago.
Nesta formación, Sabela achegounos técnicas, ferramentas e recursos para mellorar a comprensión oral e escrita no noso alumnado.
Esta formación enmárcase dentro da liña de Biblioteca do PFPP do noso centro educativo.
EXPOSICIÓN BIBLIOGRÁFICA 8M
A Biblioteca Castelao recomenda unha visita activa á exposición 8M. Durante a semana do 4 de marzo ao 8 de marzo podedes visitar unha exposición con bibliografía seleccionada sobre mulleres e igualdade, para conmemorar a celebración do 8M: O Día Internacional da Muller, unha data moi importante onde se reivindican os dereitos fundamentais das mulleres, tanto a súa igualdade na sociedade como a súa participación activa en todos os ámbitos.
01/03/24
SEMANA DA PRENSA
Xusto diante da porta de acceso á Biblioteca Castelao sitúase unha exposición para conmemorar a Semana da Prensa. Alí poderedes consultar unha gran variedade de xornais de prensa nacional e internacional, descubrir as propostas de prensa realizadas polo alumnado do centro simulando un medio de prensa escrita, así como un icónico mapa de Galicia formado con titulares da prensa. Animádevos!!. A través desta iniciativa a Biblioteca Castelao quere dar valor á importancia do xornalismo e facer ao público reflexionar sobre o valor dos xornais e da prensa como ferramenta para cambiar a sociedade.
OBRADOIRO DE RADIO NA BIBLIOTECA ESCOLAR
O venres 1 de marzo de 2024, Jennifer Chamadoira impartiu na Biblioteca Escolar e a Aula de Ferraganchos, obradoiros de radio ao alumnado de educación primaria do CPI Virxe da Cela. Esta formación realizámolas grazas ao apoio de a Fundación Ayuda en Acción, dentro do proxecto RTV Enxebre. Os obxectivos deste programa, iniciado en 2018, son fomentar a participación infantil, favorecer a inclusión e o desenvolvemento da infancia rural e a posta en valor da cultura galega.